Dagbjartur E. Taylor, sonur Ólafíu Kristnýjar Ólafsdóttur, sem lést á Heilbrigðisstofnun Suðurnesja í desember 2019 segir í samtali við Vísir.is að móðir sín hafi verið tekin af lífi.
Lögreglan rannsakar andlát Ólafíu um þessar mundir en það tengist svokölluðum tilefnislausum lífslokameðferðum af hálfu Skúla Tómasar Gunnlaugssonar læknis. Fimm andlát eru til skoðunar hjá lögreglunni.
Ólafía greindist með fjórða stigs krabbamein í júní 2019 og lést hálfu ári síðar. Fjölskyldan segir að hún hafi verið sett í lífslokameðferð þeim óafvitandi og án nokkurs samráðs.
„Það er rosalega erfitt að rifja þetta allt upp, rífa upp þessi sár. Það sem mér finnst eiginlega verst er að öll þessi umræða er að skyggja á allar fallegu minningarnar sem ég á af henni mömmu. Í staðinn fyrir eitthvað sem er falleg og góð minning kemur bara endalaus reiði og heift,“ segir Dagbjartur í samtali við Vísi.
„Ég hef ekkert tjáð mig um þetta almennilega hingað til. En þegar ég sá alla þessa flóðbylgju af læknum stíga fram og tjá sig, það vakti upp í mér svo rosalega mikla reiði. Ég er eiginlega bara búinn að vera ónýtur síðustu tvær vikur,“ segir Dagbjartur.
Hægt er að lesa viðtalið á vef Vísir.is hér.
