Inga Auðbjörg Straumland, formaður Siðmenntar, segir kirkjur landsins of margar og leggur til að Þjóðkirkjan selji. Þetta kemur fram í Fréttablaðinu í dag.
Inga segir að hægt sé að endurnýta kirkjur sem samkomuhús, gistiheimili, veitingastaði eða jafnvel heimili einstaklinga.
„Það liggur í augum uppi að ef þjóðkirkjan getur ekki haldið við öllu sínu húsnæði fyrir þær gífurlegu upphæðir sem hún fær þá verður hún að taka til í rekstrinum,“ segir Inga.
Hún segir margar kirkjur gömul og falleg hús sem eigi skilið að vera viðhaldið. Hins vegar sé sífelldur þrýstingur frá þjóðkirkjunni á að fá peninga til að viðhalda kirkjum og kvartað undan viðhaldskostnaði í umsögnum.
Hún segist skilja tilfinningar fólks í garð kirkna. Sjálf væri hún ekki til í að sjá Alþingishúsið verða að hóteli.
„Þetta eru samt bara byggingar og það má breyta hlutverki þeirra. Hægt er að gera það með virðingu,“ segir hún. Þetta hafi lukkast vel erlendis.
Viðtal Fréttablaðsins við Ingu.
