Friðjón Friðjónsson borgarfulltrúi Sjálfstæðisflokksins segir augljóst í vor að þáverandi meirihluti og Dagur B. Eggertsson borgarstjóri hafi ekki sagt fyllilega satt um fjármál Reykjavíkurborgar.
Þetta kemur fram í Dagmálum, hlaðvarpi Moggans og í Mogganum sjálfum í dag. Stefán Pálsson varaborgarfulltrúi Vinstri grænna er þar einnig til viðtals og er sammála Friðjóni.
Stefán segir viðbrögðin í Ráðhúsinu einkennast af fumi, fáti og felmtran.
„Það var ekki nema tólf dögum fyrir tilkynninguna frá skólaog fríðstundasviði [Reykjavíkur] um að þau hefðu lagst betur yfir skjalið og komið í ljós að það væri allt fullt af aukastarfsmönnum. Aðeins tólf dögum fyrr hafði hvekktum foreldrum, sem ekki komust með börn sín inn á leikskóla, verið sagt að þetta snerist um það að ekki gengi að manna stöður, að þetta væri mönnunarvandi, sem einhvern veginn hafði breyst á þessum undraskjóta tíma.“
