Aðstandendur ungs Íslendings, Ómars Andrésar Ottóssonar, sem varð bráðkvaddur í Kaupmannahöfn síðastliðinn sunnudag, hafa hrundið af stað söfnun fyrir flutning hans til Íslands og útför hér á landi.
Í færslu á Facebook, sem deilt hefur verið víða, kemur fram að Ómar hafi verið tvítugur verðandi stúdent en hann hafði búið í Kaupmannahöfn í nokkur ár með fjölskyldu sinni.
„Nú hefur þessi afar hjartahlýi, fyndni, og umhyggjusami ungi maður í blóma lífsins verið numinn skyndilega og óvænt frá fólkinu sínu. Ómar var rétt að hefja lífið og frelsið eftir menntaskólaárin var rétt handan við hornið,“ segir meðal annars í færslunni.
Aðstandendur eru nú í því ferli að undirbúa Ómar fyrir flutning til Íslands en það er mjög kostnaðarsamt.
Hægt er að leggja fjölskyldunni lið með eftirfarandi hætti:
Bankareikningur í Danmörku: 0400 4021890834
Bankareikningur á Íslandi: 0513-26-200174
Kennitala. 110174-3499
Reikningseigandi: Sigurlína Andrésdóttir
