Rúss­neskir togarar fá ekki að landa lengur í ís­lenskum höfnum: „Fer gegn hags­mun­um Ís­lands“

Svan­dís Svavars­dóttir, mat­væla­ráð­herra, hefur á­kveðið að aftur­kalla undan­þágu sem hefur verið í gildi fyrir rúss­neska togara til löndunar og um­skipunar í ís­lenskum höfnum.

Svan­dís kynnti minnis­blað þess efnis á fundi ríkis­stjórnarinnar í dag.

„Það fer gegn hags­mun­um Ís­lands að auð­velda veiðar annarra þjóða á stofn­um sem ekki eru nýtt­ir á sjálf­bær­an hátt, því hef ég á­kveðið að aft­ur­kalla þessa und­an­þágu. Þessu til við­bót­ar er það mat ís­­lenskra stjórn­valda að fram­­ferði Rússa sé með þeim hætti að ó­verj­andi er að við­halda sér­­­stök­um und­an­þágum þeim til hags­bóta,“ seg­ir Svan­dís í frétta­til­kynn­ingu en mbl.is greindi fyrst frá.

„Með hlið­sjón af nýju mati á hags­mun­um Ís­lands í sam­­skipt­um við Rúss­land vegna inn­rás­ar Rúss­lands í Úkraínu hef­ur ráð­herra tekið á­kvörðun um að aft­ur­kalla þessa und­an­þágu,“ seg­ir í til­­kynn­ing­unni.

Rúss­neskir togarar sem stunda karfa­veiðar hafa haft undan­þágu frá 1999.

Rúss­nesk­um stjórn­völd­um verður nú til­­kynnt um á­kvörðun­ina með for­m­­leg­um hætti auk þess sem til­­kynn­ing verður send í gegn­um al­þjóð­legt til­­kynn­ing­ar­­kerfi á veg­um Land­helg­is­­gæslu Ís­lands.