Dæmi er um að rússnesk börn í grunnskóla hér á landi verði fyrir aðkasti vegna styrjaldar Pútíns við Úkraínu. Þetta sagði Steingrímur Árnason í Fréttavaktinni í gær en hann starfaði og bjó Rússlandi og vinnur nú fyrir hugbúnaðarfyrirtæki Dicino sem hefur meðal annars bækistöðvar í Kænugarði.
Hann var gestur Hringbrautar í gær og ræddi um ástandið í Rússlandi, stjórnarhætti Pútíns og stöðuna í Úkraínu.
,,Það er rangt að ráðast á rússnesku þjóðina þegar einn brjálæðingur eins og Pútín tekur allar ákvarðanir varðandi innrásina í Úkraínu,“ segir Steingrímur.
Hins vegar viti hann um rússneskan dreng sem lagður hefur verið í einelti í skóla hérlendis vegna innrásarinnar. Stríðið sé alls ekki að fara á þann veg sem Pútín hafi ráðgert, segir Steingrímur.
Hægt er að horfa á Fréttavaktina í spilaranum hér fyrir neðan.
