Samtök evrópskra sjónvarpsstöðva hafa ákveðið að meina Rússlandi þátttöku í Eurovision keppninni í ár. Þetta kemur fram í stuttri tilkynningu á vef söngvakeppninnar.
Í tilkynningunni segir að ákvörðunin hafi verið tekin með hliðsjón af lögum keppninnar og gildum samtakanna. Áður hafði komið fram að Rússar myndu fá að keppa, þrátt fyrir innrásina í Úkraínu. Úkraínumenn höfðu áður kallað eftir brottrekstri þeirra úr keppninni.
Í tilkynningu frá EBU segir að stríðið í Úkraínu þýði að þátttaka Rússlands í keppninni myndi þýða að enginn friður yrði um keppnina í ár.
Rússland vann síðast Eurovision árið 2008.
