Runólfur Trausti Þórhallsson, íþróttafréttamaður Vísis, fékk rækilega á baukinn hjá Eddu Falak, hlaðvarpsstjórnanda og áhrifavaldi, og félögum hennar á Twitter vegna vals á fyrirsögn á frétt um Crossfitdrottninguna Annie Mist Þórisdóttir. Runólfur, sem hefur fylgst vel með framgangi Annie Mist á Rogue International-mótsins í Crosssfit í Texas, sagði í síðustu frétt: „Anníe Mist endaði í öðru sæti eftir slakan árangur í síðustu grein“.
Þetta fór illa í Eddu og fleiri:
Annie Mist tók annað sætið hefði bara dugað sem fyrirsögn 🥱https://t.co/OMIlXsghus
— Edda Falak (@eddafalak) November 1, 2021
Píratinn Valgerður Árnadóttir, sem er einnig formaður Samtaka grænkera, var brjáluð:
„Slakan árangur??? Var silfur handboltaliðsins á ÓL “slakur árangur?” Hvaða skíta fréttamennska er þetta?“
Runólfur lét þetta ekkert á sig fá enda veit hann allt um málið:
„Alltaf gaman þegar fyrirsagnirnar manns vekja athygli og fólk ásakar mann um að vera karlrembusvín.
Sama fólk las eflaust ekki hinar fréttirnar og áttar sig því ekki á að Anníe Mist var í forystu framan af móti.
En ég meina, allt fyrir Likes“
Baráttukonan Ólöf Tara segir:
„Gagnrýnin snýr að fyrirsögn í þessari einu grein. En okei karlrembusvín.. ég hef ekki séð þá gagnrýni… en íþróttakonur eru mjög oft lítillækkaðar í fréttum. Hér er ég ekki að segja að það hafi verið ætlunin, en mér þykir þessi fyrirsögn gera lítið úr henni.“
Runólfur svaraði henni keikur:
„Get ekki tekið undir lítillækkun íþróttakvenna í fréttum. Held að þar sé gríðarleg uppsveifla í gangi sem mun aðeins halda áfram. Hvað varðar fyrirsögnina þá getur fólk túlkað hana að vild.“
Katrín nokkur, sem hafði gagnýnt fyrirsögnina, sagði:
„Var aldrei að kalla hann karlrembusvín, en sé samhengið útfrá þessu en þetta er ekki fyrsta fréttin á síðustu vikum sem er með lengri fyrirsögn. Getur ekki reiknað með því að fólk lesi alltaf allar 4 fréttirnar, hefði alveg verið hægt að nefna þetta inni greininni.“
Runólfur lauk svo á Gif-mynd:
— Runólfur Trausti Þórhallsson (@Runolfur21) November 1, 2021
