Ingimar Erlendur Sigurðsson rithöfundur er látinn, 87 ára að aldri. Þetta kom fram í Morgunblaðinu í dag.
Ingimar Erlendur fæddist á Akureyri 11. desember 1933, sonur hjónanna Sigurðar Ingimars Helgasonar myndlistarmanns og Friðbjargar Jónsdóttur húsmóður. Hann flutti með fjölskyldunni til Reykjavíkur er hann var fimm ára og gekk í Miðbæjarskólann, Austurbæjarskóla, lauk landsprófi frá Ingimarsskóla og prófum frá Kennaraskóla Íslands 1957.
Ingimar Erlendur starfaði sem blaðamaður við Morgunblaðið 1959-62, var ritstjóri og ábyrgðarmaður Frjálsrar þjóðar 1962-63. Síðan helgaði hann líf sitt ritstörfum.
Fyrsta bók Ingimars Erlendar var ljóðabókin Sunnanhólmar, sem kom út 1959. Tveimur árum síðar kom út smásagnasafnið Hveitibrauðsdagar og árið 1965 kom út
Þekktasta skáldsaga Ingimars Erlends er eflaust Borgarlíf og vakti hún talsverða athygli þegar hún kom út árið 1965. Fleiri bækur eftir hans eru til dæmis ljóðabókin Sunnanhólmar, sem kom út árið 1959 og var hans fyrsta ljóðabók, og smásagnasafnið Hveitibrauðsdagar, sem kom út árið 1967.
Fyrri kona Ingimars var Ragnheiður Jónsdóttir, fyrrverandi kennari í Reykjavík. Þau skildu. Börn þeirra eru Huld, Friðbjörg Helga og Þóra.
Seinni kona Ingimars var Margrét S. Blöndal geðhjúkrunarfræðingur. Hún lést árið 2006. Börn þeirra eru Sigríður Freyja og Sigurður Vífill.
