Ríkis­sátta­semjari stígur inn í deiluna og tekur valdið af samnings­aðilum: „Það er ekki eftir neinu að bíða!“

Ríkis­sátta­semjari boðaði til blaða­manna­fundar í Karp­húsinu klukkan 11, vegna kjara­deilu Eflingar og Sam­taka at­vinnu­lífsins.

Aðal­steinn Leifs­son, ríkis­sátta­semjari, sagði á fundinum að allt stefni í ó­friðar­veg­ferð sem muni hafa slæm á­hrif á sm­fé­lagið allt. Staðan sé sú að það sé búið að semja við hart­nær alla al­mennum vinnu­markaði.

Eftir stendur Efling ein og hefur Sólveig Anna hótað skæruliðaverkföllum..

Aðal­steinn lagði fram miðlunar­til­lögu í kjara­deilunni. Fé­lags­menn Eflingar fái sömu launa­hækkun og samið var um við Starfs­greina­sam­bandið. Miðlunar­til­lagan­felur einnig í sér að allir fái aftur­virkar launa­hækkanir frá 1. nóvember.

Fé­lags­menn Eflingar greiða at­kvæði um miðlunar­til­löguna og aðildar­fé­lög Sam­taka at­vinnu­lífsins greiða einnig at­kvæði.

Með þessu er verið að taka deiluna af samnings­aðilum á samninga­borðinu og leggja samninginn í dóm fé­lags­manna Eflingar.

Ef Eflingar­fólk sam­þykkir samninginn verður það talið gildur kjara­samningur.

„Auð­vitað er ég að stíga inn,“ sagði Aðal­steinn á fundinum og bætti við að það væri ekki eftir neinu að bíða.

Um er að ræða að­gerð sem ríkis­sátta­semjara er heimilt að fara í lögum sam­kvæmt.