Reykjavíkurdætur með yfirburði allan tímann en töpuðu í einvíginu

Lagið Með Hækkandi sól eftir Lovísu Elísabetu Sigrúnardóttur hlaut flest heildaratkvæði á úrslitakvöldi Söngvakeppninnar 12. mars. Þetta kemur fram í tilkynningu þar sem atkvæði eru sundurliðuð.

Kemur í ljós að Reykjavíkurdætur voru með forystu eftir fyrri hluta keppninnar en Elín, Sigga og Beta höfðu svo afgerandi sigur í símakosningunni í einvíginu.

Lag systranna fékk samtals 77.380 atkvæði en lag Reykjavíkurdætra, Turn this around, hafnaði í öðru sæti með 69.227 atkvæði. Því munaði 8153 atkvæðum á milli þeirra. Þá vekur athygli að hljómsveitin Amarosis var í þriðja sæti í keppninni.

Systurnar Sigga, Beta og Elín sigruðu hið svokallaða einvígi gegn Reykjavíkurdætrum með yfirburðum en fram að einvíginu höfðu Reykjavíkurdætur nauma forystu, bæði í símakosningu almennings og hjá dómnefnd.

Hér eru niðurstöður kosninganna í úrslitunum 12. mars og í undanúrslitunum 26. febrúar og 5. mars. Einnig verður skipting atkvæða dómnefndar á úrslitakvöldinu opinberuð:

Úrslit 12. mars

Úrslitakeppni Söngvakeppninnar er tvískipt. Í fyrri hlutanum vega atkvæði alþjóðlegrar dómnefndar helming á móti símakosningu almennings.

Tvö stigahæstu lögin komast áfram í einvígi og eru flutt aftur. Þá hefst önnur símakosning á meðal almennings en atkvæði dómefndar og almennings úr fyrri kosningunni fylgja þó báðum lögunum í einvígið.

Niðurstaða fyrri símakosningar í úrslitum 12. mars

1. Reykjavíkurdætur - Turn This around: 26.320 atkvæði
2. Sigga, Beta & Elín - Með hækkandi sól: 24.083 atkvæði
3. Amarosis - Don’t you know: 12.506 atkvæði
4. Stefán Óli - Ljósið: 9.126 atkvæði
5. Þaðan af - Katla: 5.972 atkvæði Alþjóðleg dómnefnd, skipuð sjö aðilum, hafði 50% vægi á móti atkvæðum almennings úr fyrri símakosningunni.

Niðurstaða dómnefndar í úrslitum 12. mars

1. Reykjavíkurdætur - Turn This around: 19.437 atkvæði
2. Sigga, Beta & Elín - Með hækkandi sól: 18.141 atkvæði
3. Þaðan af - Katla: 15.031 atkvæði
4. Stefán Óli - Ljósið: 13.476 atkvæði
5. Amarosis - Don’t you know: 11.921 atkvæði

Heildarúrslit fyrri kosningar (símaatkvæði og atkvæði dómnefndar) 12. mars

1. Reykjavíkurdætur - Turn This around: 45.757 atkvæði
2. Sigga, Beta & Elín - Með hækkandi sól: 42.224 atkvæði
3. Amarosis - Don’t you know: 24.427 atkvæði
4. Stefán Óli - Ljósið: 22.602 atkvæði
5. Þaðan af - Katla: 21.003 atkvæði

Tvö stigahæstu lögin komust þá í hið svokallaða einvígi og hófst þá seinni símakosning kvöldsins á milli þeirra.

Úrslit seinni símakosningar (einvígis) 12. mars

1. Sigga, Beta & Elín - Með hækkandi sól: 35.156 atkvæði
2. Reykjavíkurdætur - Turn This around: 23.470 atkvæði

Lagið Með hækkandi sól sigraði því einvígið með 11.686 atkvæðum þegar almenningur kaus á milli laganna tveggja. Þá er atkvæðum fyrri kosningar, frá almenningi og dómnefnd, bætt við atkvæðin sem lögin fengu í einvíginu.

Lokaúrslit Söngvakeppninnar 12 mars

1. Sigga, Beta & Elín - Með hækkandi sól: 77.380 atkvæði
2. Reykjavíkurdætur - Turn This around: 69.227 atkvæði Lagið Með hækkandi sól sigraði því keppnina með 8.153 atkvæðum.

Hér að neðan má sjá hvernig hver dómari kaus en dómarar voru beðnir að raða lögunum í röð eftir gæðum, að mati hvers og eins.

Atkvæði dómara

Dómari 1

1. Sigga, Beta & Elín - Með hækkandi sól
2. Katla - Þaðan af
3. Stefán Óli - Ljósið
4. Reykjavíkurdætur - Tökum af stað
5. Amarosis - Don’t You Know

Dómari 2

1. Reykjavíkurdætur - Turn this around
2. Sigga, Beta & Elín - Með hækkandi sól
3. Amarosis - Don’t you know
4. Katla - Þaðan af
5. Stefán Óli - Ljósið

Dómari 3

1. Reykjavíkurdætur - Turn this around
2. Sigga, Beta & Elín - Með hækkandi sól
3. Stefán Óli - Ljósið
4. Katla - Þaðan af
5. Amarosis - Don’t you know

Dómari 4

1. Sigga, Beta & Elín - Með hækkandi sól
2. Katla - Þaðan af
3. Reykjavíkurdætur - Turn this around
4. Stefán Óli - Ljósið
5. Amarosis - Don’t you know

Dómari 5

1. Reykjavíkurdætur - Turn this around
2. Stefán Óli - Ljósið
3. Sigga, Beta & Elín - Með hækkandi sól
4. Amarosis - Don’t you know
5. Katla - Þaðan af

Dómari 6

1. Reykjavíkurdætur - Turn this around
2. Sigga, Beta & Elín - Með hækkandi Sól
3. Katla - Þaðan af
4. Amarosis - Don’t you know
5. Stefán Óli - Ljósið

Dómari 7

1. Reykjavíkurdætur - Turn this around
2. Katla - Þaðan af
3. Sigga, Beta & Elín - Með hækkandi sól
4. Stefán Óli - Ljósið
5. Amarosis - Don’t you know

----

Undanúrslit

Tíu lög tóku þátt í keppninni sem hófst á tveimur undanúrslitakvöldum, 26. febrúar og 5. mars. Fimm lög kepptu á hvoru kvöldi. Eingöngu símakosning á meðal almennings ræður úrslitum í undanúrslitunum, engin dómnefnd kýs þau kvöld.

Fyrri undanúrslit - Niðurstaða símakosningar 26. febrúar

1. Sigga, Beta & Elín - Með hækkandi sól: 10.788 akvæði
2. Stefán Óli - Ljósið: 7.017 atkvæði
3. Amarosis - Don’t you know (íslenska útgáfan): 7.006 atkvæði
4. Stefanía Svavarsdóttir - Hjartað mitt: 5613 atkvæði
5. Haffi Haff - Gía: 4.828 atkvæði

Lögin Með hækkandi sól og Ljósið komust beint í úrslitin en Don’t you know (íslenska útgáfan) var valið “Eitt lag enn” og fékk því einnig sæti í úrslitakeppninni, en aðeins munaði 11 atkvæðum á því og laginu Ljósið þetta kvöld.

Seinni undanúrslit - Niðurstaða símakosningar 5. mars

1. Reykjavíkurdætur - Tökum af stað: 13.137 atkvæði
2. Katla - Þaðan af: 5251 atkvæði
3. Suncity & Sanna Martinez - Hækkum í botn: 4.170 atkvæði
4. Markéta - Mögulegt: 3.251 atkvæði
5. Hanna Mia and the Astrotourists - Séns með þér: 3.197 atkvæði.

Lögin Tökum af stað og Þaðan af komust beint í úrslitin þetta kvöld.