Ragnheiður Valgarðsdóttir, annar trúnaðarmanna starfsfólks Eflingar, veit ekki hvort hún eigi afturkvæmt úr veikindaleyfi fari svo að Sólveig Anna Jónsdóttir verði aftur formaður félagsins.
Þetta sagði Ragnheiður í viðtali við mbl.is í gærkvöldi en eins og kunnugt er hefur Sólveitg Anna tilkynnt að hún ætli að bjóða sig fram til formanns Eflingar eftir að hafa sagt af sér á síðasta ári. Kosningar fara fram í þessum mánuði og býður Sólveig Anna sig fram til formanns auk þess sem listi hennar býður sig fram í stjórn.
Ragnheiður kveðst ekki viss um að hún geti lagt það á sig að snúa aftur til starfa fari svo að Sólveig Anna og listi hennar beri sigur úr býtum.
„Ætlar hún að biðja starfsfólkið afsökunar ef hún kemur aftur? Hvernig ætlar hún að koma inn og stjórna vinnustaðnum? Hún verður að biðja starfsfólkið afsökunar á hegðun sinni af því þetta endurspeglar ekki það sem hún ætlast til af fyrirtækjum og stofnunum úti í bæ,“ sagði Ragnheiður meðal annars í viðtalinu við mbl.is og bætir við að Sólveig Anna hafi ýjað að því í kommentum að starfsfólkið séu einhverjir ónytjungar sem eru áskrifendur að laununum sínum, vinni ekki vinnuna sína og skilji þar að auki
„Það sem særir okkur er það að hún er búin að æsa upp félagsmenn og aðra í kommentakerfum til að tala illa um okkur. Hún er að búa til óvild gagnvart okkur til að skara eld að sinni köku. Hún er búin að gefa algjört skotleyfi á okkur. Það er algjörlega óviðeigandi og skapar vantraust á milli félagsmanna og starfsfólks.“
Viðtalið við Ragnheiði má lesa í heild sinni hér.
