Ragnari Þór mis­boðið: Hvar annars staðar en á Ís­landi?

„Ég hef reynt að temja mér hóf­semi í orða­lagi og ein­beitt mér frekar að tölum og stað­reyndum. En nú er mér svo mis­boðið að ég á orðið erfitt með að greina fyrir hvað eða hverja mál­flutningur SA stendur.“

Þetta segir Ragnar Þór Ingólfs­son, for­maður VR, í pistli á Face­book-síðu sinni þar sem hann deilir grein sem hann skrifaði og birtist á Vísi í morgun. Þar vísar hann í við­tal við Hall­dór Benja­mín Þor­bergs­son, fram­kvæmda­stjóra SA, í Víg­línunni á Stöð 2 í gær.

í pistlinum fer Ragnar nokkuð hörðum orðum um Hall­dór Benja­mín og spyr hvernig tals­maður at­vinnu­lífsins geti verið svo sam­visku­laus og ó­sann­gjarn gagn­vart vinnandi fólki, al­menningi í landinu. Gagn­rýnir hann þau orð að laun hafi hækkað allt of mikið og her­ferð SA gegn hækkun at­vinnu­leysis­bóta. Þá hafi sam­tökin hvatt fyrir­tæki til að segja upp fólki vegna þess að verka­lýðs­hreyfingin vildi frið á vinnu­markaði með því að verja gerða kjara­samninga.

Í pistli sínum segir Ragnar:

„Á Norður­löndunum ríkir á­kveðið traust á milli stjórn­mála, fjár­mála­kerfisins, at­vinnu­lífs og verka­lýðs­hreyfingarinnar. Traust sem byggir á virðingu, sam­kennd og á­byrgð. Traustið er tekið al­var­lega, al­mennings­á­litið skiptir öllu. Traust sem verður að vera milli al­mennings og þeirra sem fara með völdin,“ segir hann og bætir við að þessu sé ekki fyrir að fara á ís­lenskum vinnu­markaði.

„Traust til stjórn­málanna skrapar botninn í ís­lensku sam­fé­lagi og virðing fyrir vinnandi fólki er engin. Hvar á Norður­löndunum væri gengið fellt í kjöl­far kjara­samninga? Hvar væri gjald­miðlinum leyft að falla og éta upp um­saminn kaup­mátt til þess eins að dekra við út­flutnings­greinar, sem voru stöndug fyrir, og refsa vinnandi fólki fyrir að vilja betra líf?“

Ragnar heldur á­fram:

„Hvar á Norður­löndunum kæmust fjár­mála­fyrir­tækin upp með að auka vaxta­á­lag sitt um mörg hundruð prósent þegar vextir lækka? Eða kæmust upp með að skila á­vinningi á lækkun skatta (banka­skatts) í eigin vasa? Hvar á Norður­löndunum myndu fyrir­tæki sam­þykkja það að tals­menn þeirra færu í her­ferð gegn sam­fé­lags­lega mikil­vægum vel­ferðar­málum eins og hækkun bóta? Eða færu í her­ferð gegn eigin samningum?

Hvar á Norður­löndunum væri það sam­þykkt að stuðnings­að­gerðum vegna Co­vid kreppunnar væri nær ein­göngu beint til fyrir­tækja?“

Hér má lesa pistil Ragnars í heild sinni á vef Vísis.