Á síðustu fimm árum hafa 34 tilkynningar borist lögreglu um mögulegt peningaþvætti með spilakössum. Jón Gunnarsson, dómsmálaráðherra, skoðar þann möguleika að innleiða spilakort til að sporna gegn peningaþvætti. Þetta kemur fram í frétt Fréttablaðsins.
Síðustu fimm ár hafa 34 tilkynningar borist skrifstofu fjármálagreiningu lögreglu sem varða spilakassa; engar tilkynningar árið 2017, sex árið 2018, ellefu árið 2019, fjórtán árið 2020 og þrjár árið 2021.
Spilakössum var ítrekað lokað í gegnum heimsfaraldur Covid-19 sem gæti útskýrt fá tilfelli í fyrra.
Eins og Fréttablaðið greindi frá árið 2020 upplifðu spílafíklar fresli þegar spilakössum var lokað vegna Covid-19. Samtök áhugafólks um spilafíkn sagðist hafa hafa fengið ábendingar, meðal annars frá spilafíklum, að lokunin hafi haft jákvæð áhrif í för með sér.
Ekki stendur þó til að loka spilakössum heldur innleiða spilakort til að sporna gegn peningaþvætti.
Ríkislögreglustjóri birti áhættumat í mars 2021 sem fól í sér ítarlega og heildstæða greiningu á fyrirliggjandi áhættu af peningaþvætti og fjármögnun hryðjuverka á þeim mörkuðum og starfsemi sem helst er talið að geti verið útsett fyrir slíkri áhættu á Íslandi.
Í kjölfar áhættumatsins gaf stýrihópur ráðherra út aðgerðaáætlun þar sem meðal annars var lagt til að innleidd verða spilakort til að takmarka nafnleysi spilara og koma í veg fyrir falska vinninga.
