Pawel Bartoszek, borgarfulltrúi Viðreisnar og formaður skipulags- og samgönguráðs, skýtur föstum skotum á Friðjón Friðjónsson, varaþingmann Sjálfstæðisflokksins og frambjóðanda í prófkjöri flokksins fyrir borgarstjórnarkosningarnar, á facebook síðu sinni í gærkvöldi,
Friðjón vakti athygli um daginn þegar hann tók sæti Hildar Sverrisdóttur á Alþingi og kallaði Kristrúnu Frostadóttur og Jóhann Pál Jóhannsson “krónprinsessu” og “joker” í “spilastokki Samfylkingarinnar”.
Hann fór um víðan völl í ræðu sinni og rifjaði meðal annars upp umræðu sem var á Alþingi fyrir nokkrum dögum um húsnæðismál.
Í þeirri umræðu var gengið hart að meirihlutanum í borginni fyrir aðgerðaleysi, en stjórnarandstöðuflokkar nýttu tækifærið og beindu spjótum sínum að Hafnarfirði og stöðunni þar. Friðjón tók þátt í þessari umræðu og sagði að íbúum hefði fjölgað mikið í kringum höfuðborgina miðað við landsmeðaltal. Sagði hann meðal annars:
,,Alls staðar nýta sveitarfélögin tækifæri til að uppfylla óskir um ódýrar íbúðir og sérbýli, um að eiga garð og yrkja hann, öfugt við það sem gerist í Reykjavík þar sem íbúar Vogabyggðar voru skyldaðir til að rækta berjarunna þvert gegn vilja sínum.“
Þessu tók Pawel ekki vel og gagnrýndi hann Friðjón og telur að Sjálfstæðismenn séu ósáttir við að vera ekki í meirihluta:
,,Þegar sjálfstæðismenn minnast á Reykjavíkurborg úr ræðustól þingsins væri það í þeim tilgangi að lýsa gremju sinni yfir því að flokkurinn sé ekki í meirihluta þar.”
Færsluna í heild sinni má sjá hér fyrir neðan.
