Páll Steingrímsson, skipstjóri Samherja, sem lá lífshættulega veikur á Landspítalanum þegar sími hans var tekinn hefur ákveðið að tjá sig um sameiningu Kjarnans og Stundarinnar.
Fjórir blaðamenn fengu stöðu sakbornings fyrir að hafa unnið fréttir upp úr síma Páls en þeir hafa neitað fyrir að hafa stolið símanum.
Lögreglan er einnig sögð vera rannsaka mögulega byrlun á Páli en blaðamennirnir neita alfarið fyrir að hafa komið eitthvað nálægt Páli í málinu. Nú þegar miðlarnir tveir hafa sameinast ákvað Páll að tjá sig undir færslu a frétt Vísis.
„Jæja byrjað að sameina ruslið, hvenær ætli RÚV sameinist þessu rusli líka,“ skrifar Páll undir frétt Vísis. Hann er spurður hvað hann eigi við við með ruslið og svara því sjálfur um hæl.
„Spáði því að þetta yrði gert svona áður en þessi frétt fór í loftið "Þetta er trúlega mesta ekki frétt ársins, þarna eru sakborningar RSK-MIÐLA að föndra bjarghring fyrir ritstjórann á kjarninn.is, því fari svo að sakborningurinn Þórður Snær verði ákærður þá er greinilegt að eigendur að miðlinum kjarninn.is ætla ekki að dæla fjármagni inn í miðillinn til þess að bjarga honum, og hann mun því sameinast stundin.is undir nýrri kennitölu og mögulega nýju nafni og þá getur sakborningurinn Þórður Snær haldið áfram að skálda langlokur sínar þar, en sakborningurinn Aðalsteinn Kjartansson á stundin.is var nefnilega starfsmaður RÚV og mun því RÚV taka skellinn fyrir stundin.is, en trúlega mun stundin.is sleppa á lagatæknilegu atriði en á pappírum er ritstjórn blaðsins ekki upp í Efstaleiti þó hún sé það í raun. Og munið þið lásuð þetta fyrst hér,“ skrifar Páll.
Flestir reka upp stór augu yfir færslu hans en sumir virðast þó sammála honum.
