Uppvakningarfæti sem var stolið úr Húsdýragarðinum fannst á fimmtudag. Gripurinn, sem var hluti af sérstöku draugahúsi í tilefni af hrekkjavökunni, fannst djúpt í ruslagámi við Langholtsskóla á fimmtudag.
Fréttablaðið fjallar um málið.
„Hann var heill en daunillur og undirgengst núna sótthreinsun svo hann geti vonandi átt langan og farsælan feril eftir,“ sagði umsjónarmaður draugahússins, og bætir við að krakkar í Laugardalnum hafi rekist á fótinn og komið með hann skelfingu lostin í skólann. „Þar endaði hann í ruslinu því enginn vissi hvað þetta óhugnanlega furðuverk gæti verið,“
Hægt er að lesa nánar um málið á vef Fréttablaðsins.
