Óskar Steinn Jónínuson Ómarsson, fyrrverandi ritari Samfylkingarinnar, segir ótrúlegt ef sala ríkisins á Íslandsbanka og gagnrýni á hana verði til þess að draumur Bjarna Benediktssonar um að leggja niður bankasýsluna verði að veruleika.
Eins og fram hefur komið hyggst ríkisstjórnin leggja niður bankasýsluna og þess í stað innleiða nýtt fyrirkomulag til að halda utan um eignarhluta ríkisins í fjármálafyrirtækjum.
Óskar rifjar upp tvær fréttir af áformum Bjarna frá 2011 og 2015. Í þeirri fyrri segir Bjarni að bankasýslan sé óþörf með öllu en árið 2015 lagði hann sem fjármálaráðherra fram frumvarp um að Bankasýslan verði lögð niður.
Var hann harðlega gagnrýndur þá af Össuri Skarphéðinssyni sem sagði frumvarp Bjarna ótrúlegt.
„Bankasýslan er lögð niður og í staðinn leggur Bjarni til að hann sjálfur sem fjármálaráðherra fái vald til að taka aleinn – „að eigin frumkvæði“ -ákvörðun um sölu 30% hlutar í Landsbankanum, allra hluta ríkisins í Aríon og Íslandsbanka og í sparisjóðunum. Gleymum þá ekki að við afnám gjaldeyrishafta er stefnt að því að allir hlutir Aríon og Íslandsbanka, sem nú eru í eigu kröfuhafanna, komist í eigu ríkisins,“ skrifaði Össur þá.
Það er náttúrulega ótrúlegt ef þessi atburðarrás endar með því að blautur draumur Bjarna rætist um að leggja niður Bankasýsluna. https://t.co/dLZWljHvXg pic.twitter.com/tmmaxb2HPQ
— óskar steinn (@oskasteinn) April 19, 2022
