Dagur B. Eggertsson, borgarstjóri og oddviti Samfylkingarinnar, og Einar Þorsteinsson, oddviti Framsóknarflokksins, munu skipta með sér borgarstjórastólnum á komandi kjörtímabili.
Þetta kom fram á blaðamannafundi í dag þar sem nýr meirihluti í Reykjavík var kynntur.
Ekki eru þó allir sáttir með þessa skiptingu og spyr Nichole Leigh Mosty, fyrrverandi þingmaður Bjartrar Framtíðar, hvers vegna kona taki ekki við borgarstjórastólnum. Af þeim fjórum flokkum sem eru í samstarfinu eru konur oddvitar í tveimur þeirra, Dóra Björt Guðjónsdóttir fyrir Pírata og Þórdís Lóa Þórhallsdóttir fyrir Viðreisn.
Nichole segir þetta verða feðraveldið í hnotskurn á twitter.
Sammála. Þó svo að Viðreisn hafi ekki verið hlutskörpust, þá fannst mér hugmyndin um Þórdísi Lóu sem málamiðlun sem borgarstjóra hefði verið góð niðurstaða.
— Eva Dögg Guðmundsd. (@evagudm) June 6, 2022
Það er svo mikill kraftur í henni. En auðvitað þurftu kallarnir að taka embættið.
Eva Dögg Guðmundsdóttir tekur undir og segir að hún hefði viljað sjá Þórdísi Lóu sem borgarstjóra
Hekla Elísabet Aðalsteinsdóttir sem starfar fyrir þingflokk Pírata segir málið „ógeðslega tragikómískt“ og taka fjölmargir undir með henni.
Ahh, feðraveldið er svo fallega grímulaust stundum
— Hekla Elísabet (@HeklaElisabet) June 6, 2022
