Innkoma Ómars R. Valdimarssonar á Twitter hefur valdið töluverðum titringi á forritinu. Tekur hann undir sjónarmið Jakobs Bjarnars Grétarssonar, blaðamanns Vísis, um að Twitter sé „holræsi internetsins“.
„Ég var nú bara að byrja að skoða Twitter í dag og finnst þetta vera eins og slök Morfís keppni með endalausum dyggðarskreyttum one-lænerum,“ segir hann.
Ómar hóf innreið sína á með því að segja Jakob að það væri „ákveðinn skellur“ að vera kallaður „tröll“ af Töru Margréti Vilhjálmsdóttur, baráttukonu gegn fitufordómum.
Tanja Ísfjörð, meðlimur hópsins Öfga, spyr hann:
„Ertu, ofan á allt saman, líka haldinn fitufordomum?“
Vísar hún þar í ýmis mál sem Ómar hefur tengst.
Ómar svarar að þetta hljóti að vera mikil uppgötvun:
„Hefur það aldrei hvarflað að þér að fyrir utan bergmálshellinn þinn væri fólk sem væri þér ekki sammála?“
Tanja hlær bara að honum og segir: „Ef þú heldur að líf mitt sé bergmálshellir þá skjátlast þér.“
Ómar segir svo:
„Það er bannað að efast um að þolendur segi alltaf 100% satt og bannað að segja að fitubollur séu feitar. En svo er 100% A.OK að gefa í skyn að allir sem eru 25 ára og eldri viti ekki neitt…“
Tanja svaraði honum svo í þremur liðum:
„Nr 1 þolendur eiga að njota vafans og tölfræðin styður þá skoðun mína.
Nr 2 þú kallar nafngreinda konu tröll og fitubollu. Hún er feit, hún er ekki tröll eða fitubolla.
Nr 3 ég er 26 ára.“
Tara segir einfaldlega:
Gaur, þetta tíst er 2 og hálfs mánaða gamalt! 🤣 Tröllin eru víða! pic.twitter.com/ql5XXPOETH
— Tara Margrét V. (@taramv87) October 31, 2021
