Ó­lína á­reitt í göngu­túr: „Það er mér hulin ráð­gáta þessi á­rátta sumra að á­reita fólk“

„Það er þraut­leiðin­legt að verða fyrir á­reiti fólks bara vegna þess að fólk kannast við mann úr fjöl­miðlum,“ segir Ó­lína Kjer­úlf Þor­varðar­dóttir, rit­höfundur og fyrr­verandi þing­maður í færslu á Face­book.

Í færslunni segir Ó­lína frá hvernig hún varð fyrir á­reiti á göngu sinni fyrir ofan Rauða­vatn fyrr í dag.

Ó­lína hafði verið í göngu með manninum sínum, þau hafi verið að viðra hund sem til­heyrir fjöl­skyldunni, á hunda­svæðinu fyrir ofan Rauða­vatn. „Eins og margir vita er þetta svæði nánast eina svæðið í Reykja­vík þar sem fólk getur verið með lausa hunda,“ segir Ó­lína.

Hún bendir á að í auknum mæli hafi það færst í aukana að hjól­reiða­fólk leggi leið sína þangað einnig.

„Það kunna þó fleiri að meta svæðið, því hjól­reiða­fólk er í auknum mæli farið að leggja leið sína þangað þó að stígarnir séu alls ekki ætlaðir til hjól­reiða. Raunar liggja þeir undir skemmdum í rigningum, haust og vor vegna hjól­reiðanna, enda eru þetta moldar­stígar,“ segir Ó­lína.

Þau hjón hafi gengið fram á hóp hjól­reiða­fólks sem hafði komið sé sitt­hvorum megin við göngu­stíginn og því hafi þau þurft að ganga í gegnum hópinn. Þau heilsuðu hópnum, en önnur konan í hópnum veittist því að þeim fyrir að vera með lausan hund.

Konan spyr hvort leyfi­legt sé að vera með hunda í lausa­göngu, sem Ó­lína svara játandi og spurði konuna til baka hvort stígarnir væru ætlaðir til hjól­reiða.

„Um­turnaðist konan þarna í sól­skininu. Henni líkaði sum­sé ekki svarið og taldi sig nú þess um­komna að hella yfir mig fúk­yrðum og sví­virðingum - per­sónu­legum alt­so. Þekki ég þó hvorki haus né sporð á þessari mann­eskju en hún vissi greini­lega hver ég var,“ segir Ó­lína.

Ó­lína og eigin­maður hennar stöldruðu ekki lengi við og gengu í burtu og báðu konuna að eiga góðan dag.

„En ekki þú,“ svaraði konan þegar Ó­lína gekk í burtu.

„Það er mér hulin ráð­gáta þessi á­rátta sumra að á­reita fólk, bara af því það kannast við per­sónuna úr fjöl­miðlum. Ég verð sem betur fer ekki oft fyrir þessu, en það er jafn hund­leiðin­legt þegar það gerist,“ segir Ó­lína og bætir við að slík séu við­horfin al­mennt gagn­vart hunda­fólki.

„Því það er ein­hver plag­siður á Ís­landi að á­líta fólk með hunda gjör­sam­lega rétt­laust hvar sem það kemur,“ segir Ó­lína, sem segist ekki hafa húmor fyrir þessu.

Lesa má færslu Ólínu í heild sinni hér að neðan: