„Vaknaði við keðjusagarhljóð. Það er verið að saga niður tvö 100 ára gömul og friðuð silfurreynitré hinum megin við götuna. Morguninn fer í að blanda sér í málið, þetta hlýtur að vera gert í óleyfi, hverjum dettur í hug að fella þessi tré, þarf ekki leyfi til að fella tré sem eru eldri en 60 ára og hærri en 8 metrar,“ skrifar Ólafur Egill Egilsson í búi á Grettisgötu í gær.
„Ég hringi í verktaka, eigendur lóðarinnar, Reykjavíkurborg, hvern sem er, hvernig getur þetta gerst? Svona: Fyrirtækið Minjavernd fær leyfi til að flytja hús á aðliggjandi lóð.
Minjavernd fær leyfi hjá borginni til þess að byggja stoðvegg á lóðarmörkum til þess að styrkja undirstöðu húsanna.
Minjavernd grefur fyrir veggnum án þess að skeyta um trén. Alveg upp við stofninn. 60% af rótarkerfinu er eyðilagt. Trén lifa það ekki af.
Þá fær Minjavernd leyfi til þess að fjarlægja trén. Enda eru þau dauð.
Afhverju gera Borgaryfirvöld ekki úttekt á aðstæðum og taka tillit til trjánna og setja verktökum skorður áður en leyfi fyrir þessum framkvæmdum er veitt. Er enginn hugsun sett í þessar leyfisveitingar?
Afhverju stendur Minjavernd svona að málum. Fólk hlýtur að átta sig á því að það er verið að drepa trén með því að grafa svona nálægt þeim,“ heldur
Eða var það kannski gert með vilja? Það er dýrara og flóknara að passa upp á trén, stoðveggurinn hefði þurft að vera fjær. Er það pjéningurinn sem ræður?“ spyr Ólafur.
„Ég er svo leiður yfir þessu, mér finnst þetta ljótur gjörningur og ég syrgi þessi fallegu tré sem mér hefur þótt vænt um frá því ég man eftir mér. Tré sem hefðu getað orðið 250 ára gömul.
Enn einn harmleikurinn í boði skipulagsyfirvalda Reykjavíkurborgar og Verktakadólga,“ skrifar Ólafur.
Hann bætti síðar við uppfærslu við færslu sína:
„Þorsteinn Bergsson sem stýrir Minjavernd neitar sök, Minnjavernd hafi ekkert með þennan hluta veggjarins að gera. Heldur eigendur hússins sem trén standa við, Grettir guesthouse.
Samt er það svo að það er Minjavernd sem er upphafsaðilinn að þessum framkvæmdum. Flutningi húsanna og uppsteypu þessa stoðveggs. Það er Minjavernd sem ákvarðar staðsetningu veggjarins. Það er Minjavernd sem býður upp á að gera framhald af veggnum. Það eru framkvæmdaaðilar á vegum Minjaverndar sem fara með gröfuna á trén. Minjavernd hefði átt að vita betur.“
„Eigendur Grettir guesthouse bera líka sök. Þar hefðu átt að spyrja að því hvernig gera eigi að halda áfram með vegg Minjaverndar án þess að drepa tréin. Það var ekki gert.
Borgin ber líka sök. Þegar leyfi er gefið fyrir þessum framkvæmdum hefði átt að huga að því hvernig trjánum yrði hlíft. Skammist ykkar bara!“ skrifar Ólafur að lokum.
