Þing kemur saman að nýju 13. september og enn hefur skýrsla Ríkisendurskoðunar um sölu ríkisins á hluta sínum ekki borist og er ekki víst hvort hún skili sér fyrir þingsetningu.
Ólafur Þ. Harðarson, prófessor í stjórnmálafræði, var gestur Morgunútvarpsins á Rás 2 og fór yfir stöðuna. Hann segir Íslandsbanka málið óþægilegt fyrir ríkisstjórnina.
„Það hefur verið augljóst á þessu kjörtímabili að það hefur verið meiri pirringur á milli stjórnarflokkanna heldur en var á síðasta kjörtímabili.“ Ríkisstjórnin hafi unnið óvenjulegan sigur í síðustu kosningum. „Það hafði ekki gerst í langan tíma og gerist mjög sjaldan að stjórnarflokkar bæti við sig, en það gerði stjórnin 2020 og 2021,“ segir Ólafur á Rúv.
Hann segir að ,álefnaágreiningur milli Sjálfstæðisflokks og Vinstri grænna hafi dofnað á síðasta kjörtímabili þegar faraldurinn tók yfir dagskrá stjórnmálanna. Nú sé fylgi við ríkisstjórnina komið undir 50 prósent og stjórnarflokkarnir hafi samanlagt hátt í 10 prósent um minna fylgi en í kosningunum. Staðan sé því orðin brothættari.
„Límið sem covid var við að halda saman mjög ólíkum flokkum er ekki lengur fyrir hendi. Nú erum við komin í stjórnmál eins og þau eru venjulega, og í stjórnmálum eins og þau eru venjulega skiptir hægri og vinstri mjög miklu máli,“ segir Ólafur.
Hægt er að lesa viðtalið í held hér.
