Baráttuhópurinn Öfgar greinir frá því að á Twitter að hópurinn hafi átt góðan fund blaðamönnum á DV þar sem var rætt um baráttuna, opin kommentakerfi, smellufréttir um baráttufólk og þolendur.
„Það var gott að ganga inn í rými þar sem vilji er til að gera vel og skoða hvað má gera betur,“ skrifar hópurinn í færslu á twitter. „Hvetjum aðra fjölmiðla til að taka svona skref.“
Vilborg Helgadóttir trúir því varla að DV af öllum miðlum hafi tekið þetta skref.
„Áhugavert, og DV af öllum! Hef sjálf haldið að þeirra stefna þrifist svo til eingöngu á smellubeitum en gott að heyra að svona umræða sé í gangi. Fáum við að heyra meira? Verða tekin einhver skref til úrbóta í þessum klikkaða frumskógi smellufrétta og athugasemdakerfa?,“ skrifar Vilborg undir færslu Öfga.
Öfgar áttu góðan fund með DV í síðustu viku. Ræddum m.a um baráttuna, opin kommentakerfi, smellufréttir um baráttufólk & þolendur.
— Öfgar (@ofgarofgar) March 8, 2022
Það var gott að ganga inn í rými þar sem vilji er til að gera vel & skoða hvað má gera betur.
Hvetjum aðra fjölmiðla til að taka svona skref✊🏼
