Kringlan hefur ákveðið að setja á fót nýtt tilraunaverkefni en í því felst að smáhundar fái að koma með eigendum í Kringluna á afmörkuðum tímum.
Í tilkynningu frá Kringlunni um málið kemur fram að búið sé að fá leyfi frá umhverfisráðuneytinu og heilbrigðiseftirliti fyrir verkefninu en það hefst á morgun, 14. júní.
„Hundaræktarfélagið hefur tekið hugmyndinni fagnandi og finnst með þessu stigið risastórt skref í eflingu hundamenningar á Íslandi,“ segir í tilkynningu Kringlunnar um málið og fullyrðir Kringlan að búast megi við notalegri og öðruvísi stemningu á sunnudögum.
Þrátt fyrir að tilmælin nái aðeins til smáhunda eru stærri hundar ekki beint bannaðir en skilyrði fyrir komu hvuttana eru sú að hægt sé að halda á þeim í rúllustiga eða kippa þeim í fangið.
Þar sem hundar eru ekki leyfðir í matvöruverslanir og inn á snyrti- og læknastofur þá eru viðskiptavinir beðnir um að virða það. Þá er óskað eftir því að fólk kynni sér reglur náið en þær má nálgast á heimasíðu Kringlunnar.
