Eins og greint var frá í morgun greindust 26 kórónuveirusmit á landinu. Rögnvaldur Ólafsson aðstoðaryfirlögregluþjónn greindi frá því á upplýsingafundi almannavarna nú á tólfta tímanum að fjölgun smita mætti rekja til hópsmits sem komið er upp.
Rögnvaldur sagði að málið væri í skoðun og hópsmit væru eitthvað sem alltaf gætu komið upp í því ástandi sem nú ríkir. Athygli vakti að Rögnvaldur sagðist ekki hafa frekari upplýsingar um sýkinguna eða hvar á landinu hún kom upp.
Ekki hafa greinst fleiri smit á landinu síðan 3. nóvember síðastliðinn þegar 28 smit greindust.
Nítján þeirra sem greindust með veiruna í gær voru í sóttkví en sjö voru ekki í sóttkví.
