Knattspyrnumaðurinn Gylfi Þór Sigurðsson verður áfram laus gegn tryggingu til 17. apríl 2022. Þetta kemur fram í svörum lögreglunnar í Manchester við fyrispurn Fréttablaðsins.
Fyrirkomulagið hafði áður verið framlengt í þrígang og rann út í gær en engar fréttir bárust frá lögreglunni um hvort Gylfi yrði ákærður eða ekki en hann er grunaður um kynferðisbrot gegn barni.
Gylfi var handtekinn á heimili sínu í Bretlandi 16. júlí síðastliðinn. Lögreglan haldlagði muni heima hjá honum eins og tölvu og síma.
Eins og Fréttablaðið hefur greint hefur Gylfi verið búsettur í London síðustu mánuði. Gylfi hefur ekkert spilað með Everton á núverandi tímabili vegna málsins og er ólíklegt að hann spili aftur fyrir félagið.
