Maðurinn sem lést í vinnuslysi í Ásahreppi í Rangárvallasýslu á föstudag hét Guðjón Björnsson. Þetta kemur fram á vef mbl.is
Maðurinn var fæddur 1983 og lætur eftir sig eiginkonu og þrjú börn. Í frétt mbl.is segir að Guðjón var bóndi og rak kúabú ásamt konu sinni á Syðri-Hömrum 3 í Ásahreppi.
„Það ríkir mikil sorg í samfélaginu en þarna eru þrjú lítil börn sem koma nærri,“ segir séra Halldóra Þorvarðardóttir, prófastur í Fellsmúlaprestakalli í Suðurprófastsdæmi
í samtali við mbl.is. Bænastund fór fram í gær og segir Halldóra að það hafi verið vel mætt.
„Það var full kirkja. Tilefnið var að veita sorginni og þessum lamandi fréttum farveg og sýna samhygð og samstöðu við þessar skelfilegu aðstæður,“ segir Halldóra
