Nafn Íslendingsins sem lést í Rúss­landi

Ís­lendingurinn sem lést í Rúss­landi í síðustu viku eftir að hafa greinst með kórónu­veiruna hét Áki Sigurðs­son. Greint er frá nafni hans á vef Bæjarins besta á Ísa­firði, en Áki var Vest­firðingur.

Fjöl­miðlar hér á landi greindu frá því í síðustu viku að Ís­lendingur hefði látist í borginni Petropa­vlovsk á Kams­jatka-skaga. Greindi Vísir frá því að maðurinn hefði fengið látist af völdum lungna­bólgu vegna CO­VID-19.

Í frétt Bæjarins besta kemur fram að Áki hafi verið raf­virki og hann hafi verið í vinnu­ferð í Rúss­landi þegar hann greindist með veiruna.

Hann var fæddur í Súða­vík þann 1. maí 1960 og ólst hann þar upp. Hann var síðast bú­settur í Bolungar­vík. Í frétt BB.is kemur fram að Áki láti eftir sig tvö upp­komin börn og þrjú barna­börn.