Nadía vill ekki láta bendla sig við við­tal Láru

Nadía Sif Lín­dal Gunnars­dóttir vill ekki láta bendla sig við við­tal DailyMa­il sem frænka hennar Lára Clausen fór í á dögunum. Þetta má meðal annars sjá í um­mæla­kerfum Mbl.is þar sem Nadía þakkar net­verja fyrir að benda á að hún hafi ekki farið í við­tal hjá breska miðlinum.

Konurnar tvær, þær Nadía og Lára, hafa orðið fyrir mikilli druslu­skömmun á kommenta­kerfum á netinu eftir að málið komst í fréttirnar. Nadía og Lára segjast hvorugar hafa vitað af því að mennirnir hafi verið í sótt­kví.

Við­talið við Láru hefur vakið heims­at­hygli. Þar lýsir hún meðal annars síðustu sam­skiptum sínum við fót­bolta­manninn Phil Foden, sem furðar sig á því að hún hafi opin­berað sam­skipti sín við leik­manninn.

Í um­mæla­kerfum Mbl.is við frétt um við­talið við Láru fá bæði hún og Nadía nokkra út­reið meðal net­verja. Spyrja nokkrir hvort ekki hefði verið skyn­sam­legra að halda sig til hlés. Ber þar hæst ein um­mæli sem um hundrað manns bregðast við.

„Já það er kvartað yfir að þær séu teknar af lífi í kom­mennta­kerfum og jájá það hafa verið mörg grimm skrif EN KOMMON er það þá ekki heil­brigð skyn­semi að halda sér til hlés. Nei nei nú er bara rætt við er­lenda blaða­menn. HVUR FJANDINN ER AÐ HJÁ ÞESSUM UNGU STÚLKUM. Auð­vitað hefur þetta verið spennandi ævin­týri EN er ekki bara hægt að hafa það fyrir sig.

Virðast vera at­hyglis­sjúkar EN höndla ekki að fólk tjái sig ef það er nei­kvætt og finnist þetta of mikið. Vonandi fara þessi leiðindi að ganga yfir og stelpurnar HÆTTI að halda um­ræðunni gangandi.“

Þá bendir annar net­verji á að það hafi einungis verið önnur kvennanna sem hafi farið í við­tal við DailyMa­il. „Þetta er bara önnur þeirra. Ekki bendla báðar við þetta við­tal.“ Þakkar Nadía sjálf fyrir um­rædd um­mæli.

Þá deilir Bryn­dís Lín­dal, móðir Nadíu, frétt Vísis af við­talinu á Face­book. Bryn­dís sagði í viðtali við Fréttablaðið á dögunum að málið hafi tekið mjög á dóttur sína. Í deilingu sinni segist Bryn­dís vilja vekja á því at­hygli að það sé einungis Lára sem sé í einka­við­tali við DailyMa­il.

„Ég vil vekja at­hygli á því að hér er bara Lára í einka­við­tali við Daily Mail að segja sína sögu. Nadía Sif Lín­dal er ekki í þessu einka­við­tali.“