Nadía Sif Líndal Gunnarsdóttir er ekki á leiðinni að taka þátt í bresku raunveruleikaþáttunum Love Island. Þetta segir hún í samtali við Fréttablaðið.
Þar segir að þrálátur orðrómur hafi verið uppi um að Nadía myndi taka þátt í ár. Þættirnir eru teknir upp í sólarlöndunum ár hvert í glæsivillu og eru einskonar stefnumótaþættir þar sem þó er hægt að vinna peningaverðlaun.
Nadía Sif, sem varð heimsfræg eftir stutt kynni við ensku fótboltamennina Phil Foden og Mason Greenwood, segist ekki einu sinni hafa sótt um. Hún hafi þó heyrt þessa orðróma sem um ræðir.
„Ég hef ekki einu sinni sótt um,“ segir hún. Allajafna taka bara fallegustu einstaklingar á Bretlandseyjum þátt í þáttaröðinni. Áhöld hafa verið uppi um það hvort nýjasta serían verði tekin upp á Bretlandseyjum.
Hinsvegar stefna framleiðendur að því að taka þættina upp á Mallorca síðar á þessu ári. Strangar COVID-19 reglur verða í gildi líkt og þekkist í raunveruleikaþáttum líkt og Bachelor.
