„Þessa mynd hefur mamma mín geymt,“ segir Sólveig Anna Jónsdóttir, formaður Eflingar, í færslu á Facebook-síðu sinni í gær.
Þar birti hún býsna skemmtilega mynd sem hún teiknaði þegar hún var lítil; mynd af hópi fólks sem var að berjast fyrir sömu launum.
„Kröfukánka og krafan einfaldlega þessi: Sömu laun. Ég hef, tæpum fjórum áratugum seinna, lítið uppfært kröfuna. Hef einfaldan smekk, vel aðeins það besta,“ segir hún en það virðist snemma hafa orðið ljóst hvað Sólveig Anna ætlaði sér að fást við á fullorðinsárunum.
Myndin hefur vakið talsverða athygli meðal vina og vandamanna Sólveigar Önnu. „Þetta er eiginlega best. Fékk smá ryk í augað,“ segir Margrét Tryggvadóttir, fyrrverandi þingkona. „Frábært. Þú áttir góða mömmu,“ bætir Þorleifur Gunnlaugsson, fyrrverandi borgarfulltrúi við, í athugasemd við færsluna.
Myndina má sjá hér að neðan:
Þessa mynd hefur mamma mín geymt. Kröfukánka og krafan einfaldlega þessi: Sömu laun. Ég hef, tæpum fjórum áratugum seinna, lítið uppfært kröfuna. Hef einfaldan smekk, vel aðeins það besta.
Posted by Sólveig Anna Jónsdóttir on Sunnudagur, 14. febrúar 2021
