Mynd dagsins: „Þetta hefur gerst nokkuð oft á þessu til­tekna hring­torgi“

Lög­reglan á Suður­nesjum birti mynd dagsins á Face­book-síðu sinni í morgun en við myndina minnir lög­regla öku­menn á að sýna til­lit­semi, til dæmis gagn­vart um­hverfinu.

Á­minning lög­reglu kemur ekki til af góðu því með­fylgjandi er mynd sem sýnir djúp hjól­för á hring­torgi í um­dæmi lög­reglunnar. Svo virðist sem öku­maður ó­þekktrar bif­reiðar hafi hrein­lega gert sér að leik að aka yfir hring­torgið með þeim af­leiðingum að djúp og ljót hjól­för komu í grasið. Eins og öku­menn hér á landi hafa ef­laust tekið eftir er þetta langt því frá fyrsta dæmið af þessu tagi.

„Okkur þykir þetta ekki skemmti­legt. Þetta hefur gerst nokkuð oft á þessu til­tekna hring­torgi við Þjóð­braut. Virðum lög og reglur. Vöndum okkur við aksturinn og sýnum til­lit­semi. Það er hagur okkar allra að halda um­hverfi okkar í lagi,“ segir lög­reglan í færslu sinni.