„Þetta er hann, þetta er verst lagði bíllinn,“ segir Una Guðlaug Sveinsdóttir í færslu sem hún birtir á Twitter.
Á myndinni má sjá lítinn sendiferðabíl sem lagt hefur þvert yfir gangstétt, þannig að Una Guðlaug kemst ekki fram hjá bílnum með barnavagninn sinn án þess að fara út á götu.
Una Guðlaug tekur fram í færslunni að bíllinn sé lagður fyrir framan autt bílastæði, svo hann hefði léttilega komist lengra inn í stæðið.
Glöggur Twitter notandi svara færslunni og bendir á að bílnum sé lagt rétt hjá Blindrafélaginu. „Ef þetta er hús Blindrafélagsins þarna í vinstra horninu, er þetta með því sóðalegasta,“ segir í svarinu.
Sjá má myndina hér að neðan:
Þetta er hann, þetta er verst lagði bíllinn (þess má geta að fyrir framan hann er autt bílastæði) pic.twitter.com/HzUJiCDVZY
— Una Guðlaug Sveinsd. (@unagudlaug) August 24, 2022
