Mynd dagsins: „Svo sannar­lega það sem við viljum sjá“

Pawel Bar­toszek, borgar­full­trúi Við­reisnar, deildi skemmti­legu skjá­skoti á Face­book síðu sinni fyrr í dag þar sem fram kom saman­burður milli Spánar, Sví­þjóðar, Dan­merkur, og Ís­lands þegar kemur að CO­VID-19 far­aldrinum.

Við saman­burðinn má sjá að sí­fellt færri kóróna­veiru­smit koma upp hér á landi og líkt og sótt­varna­læknir greindi frá í síðustu viku má segja að far­aldurinn sé á niður­leið. Nú hefur komið í ljós að Ísland sé með þriðju lægstu tölu sýktra af öllum Evrópuþjóðum miðað við höfðatölu.

Að­eins greindust tíu ein­staklingar með CO­VID-19 síðast­liðinn sólar­hring og er því heildar­fjöldi þeirra sem hafa smitast frá upp­hafi orðinn 1711. „Svo sannar­lega það sem við viljum sjá,“ skrifar Pawel við færsluna.

Samanburð Pawel má sjá hér á myndinni en hægt er að bera saman önnur lönd hér: aatishb.com/covidtrends.