Stórhættulegur vörubíll er í umferð á Íslandi. Frá honum er greint í Morgunblaðinu í dag þar sem haft er eftir aðstoðaryfirlögregluþjóni að þarna sé stórhættulegur búnaður á ferðinni.
Um er að ræða bíl með stáloddum á hjólbörðunum sem minna helst á Bond mynd en hjólbarðarnir vöktu athygli ljósmyndara Morgunblaðsins sem smellti af þeim mynd.
Blaðið fjallar ítarlega um málið í blaði sínu í dag og segist lögregla ætla að hafa uppi á bílnum auk þess sem blaðið birtir svör Samgöngustofu vegna málsins.
