Mynd dagsins að þessu sinni birtist fyrst í Nostalgíugrúbbunni á Facebook í dag – hóp sem tileinkaður er áhugamönnum um allskonar hluti sem vekja upp fortíðarþrá.
Myndin var tekin í verslun Krónunnar á Bíldshöfða og sýnir hún kassa utan af Egils Kristal sem búið er að raða skemmtilegan hátt. Eins og sést mynda kassarnir þá félaga Mario og Luigi – sem segja má að hafi verið uppáhald margra barna í gamla daga og eru raunar enn þann dag í dag. Þarna hefur einhver snillingurinn verið á ferðinni, svo mikið er víst en myndina má sjá hér að neðan.
