Mynd dagsins: „Samband okkar og lögreglunnar er einstakt“

Mynd dagsins að þessu sinni birtist fyrst á Facebook-síðu björgunarsveitarinnar Þorbjarnar og sýnir björgunarsveitarmann sitja við hlið lögreglumanns í hlíðum Geldingadala.

Myndin hefur vakið talsverða athygli enda gullfalleg mynd sem sýnir þá vinsemd og virðingu sem ríkir á milli þessara mikilvægu viðbragðsaðila. Lögreglumaðurinn breiðir vinstri handlegginn yfir axlir björgunarsveitarmannsins á meðan þeir virða fyrir sér eldgosið á Reykjanesi.

„Það er alveg ljóst að þetta verkefni væri mun erfiðara ef ekki væri fyrir gott samband milli björgunarsveitarmanna og lögregluþjóna,“ segir í færslunni.