Mynd dagsins: Ó­væntur gestur á fundi vel­ferðar­nefndar – Út­sendari frá Sor­os?

„Þessi ætlar að fylgjast grannt með fundi vel­ferðar­nefndar, ekki van­þörf á,“ segir Helga Vala Helga­dóttir, þing­kona Sam­fylkingarinnar, í færslu á Face­book-síðu sinni.

Þar birtir hún jafn­framt skemmti­lega mynd sem hún tók fyrir fund vel­ferðar­nefndar Al­þingis, en þar má sjá pattara­legan máv sem búinn var að koma sér vel fyrir við gluggann. Segja má að það sé engu líkara en að hann ætli að fylgjast vel með því sem fram fer.

Við færslu Helgu Völu eru komnar skemmti­legar at­huga­semdir þar sem fólk veltir fyrir sér á hvaða vegum mávurinn er.

„Þetta er örugg­lega út­sendari ein­hverrar út­lendrar leyni­þjónustu.“

„Þetta er út­sendari frá Sor­os...“

„Vargurinn er svangur og tekur allt frá smá­fuglunum.“

Gunnar Smári Egils­son, stofnandi Sósíal­ista­flokksins, segir: „Ein­hver heim­dallar­strákurinn úr Icelandair, ný­búinn að éta unga á Tjörninni frá flug­freyju­önd, heimtandi að þú skaffir honum egg.“