Róbert Jóhannsson, fréttamaður á RÚV og fjögurra barna faðir, færði fylgjendum sínum á Twitter gleðileg tíðindi í gærkvöldi.
„Hæ forrit. Krabbameinið er farið! Þakka ykkur öllum fyrir stuðninginn í gegnum þetta helvíti, þið eruð frábær,“ sagði Róbert.
Hann greindist með krabbamein í endaþarmi í nóvember í fyrra og var hann í viðtali í Fréttablaðinu í mars síðastliðnum.
Í viðtalinu kom meðal annars fram að sonur hans, Valdimar, hefði rætt opinskátt um upplifun sína af veikindum föður síns í hlaðvarpsþættinum Að eiga mömmu eða pabba með krabba á KrakkaRÚV og fengið mikið lof fyrir.
„Ég ætla að tala um það hvernig það er að koma svona fréttum áleiðis til fjölskyldunnar. Ég sagði mínum börnum frá krabbameininu öllum í einu, en þau eru á bilinu níu til tuttugu og þriggja ára, svo eðlilega voru viðbrögð þeirra alls konar. Samskiptin okkar eftir þetta, með einu og einu barni í senn, eru svo mjög ólík.“
Hæ forrit. Krabbameinið er farið! Þakka ykkur öllum fyrir stuðninginn í gegnum þetta helvíti, þið eruð frábær<3 pic.twitter.com/MTgx3UYszA
— Róbert Jóhannsson (@ruberamo) June 15, 2022
