Halldór Auðar Svansson, varaþingmaður Pírata, birti skemmtilega mynd af Kattaframboðinu á Akureyri það verður að segjast að skjaldarmerki framboðsins ber af.
Snorri Ásmundsson listamaður fer fyrir framboðinu en samkvæmt pistli hans á Akureyri.net er hugmyndin er að kettir bjóði sig fram í bæjarstjórn Akureyrar og mjálmi í burt hatursfulla bæjarfulltrúa.
„Kettir hafa vissulega ekki kennitölu eins og mannfólk, en hugmyndin er að eigendur kattanna láni þeim kennitölu sína til að þeir verði kjörgengir. Akureyri er sannkallaður kattabær og þeir ættu að vera stolt Akureyringa. Kattalífið á Akureyri er afar heillandi og það fylgir því að ganga um götur bæjarins að rekast á ketti að leik.
Kattaframboðið leggur einnig til að lógói bæjarins verði breytt og skipt út fasískum erni í glaðlyndan kött,“ skrifar Snorri.
Hér má sjá Snorra og nýja merki Akureyrarbæjar.
Kattaframboðið á Akureyri er mögulega besta flippframboðið í Íslandssögunni - og eins hjá öllum bestu bestu flippframboðunum þá er alvara þarna undir. Fólk að bjóða sig fram í umboði katta sinna til að mótmæla útgöngubanni þeirra. pic.twitter.com/q7D0mzqez5
— Halldór Auðar Svansson 🇮🇸 🤝 🇺🇦 (@tharfagreinir) April 12, 2022
