Óhætt er að segja að skjáskot úr kvöldfréttum RÚV árið 2010 séu að koma Jóhönnu Vigdísi Hjaltadóttur, fréttakonu á RÚV, rækilega á kortið – að minnsta kosti á Twitter.
Um sakleysislega, en um leið spaugilega, mynd er að ræða og sýnir hún Jóhönnu lesa fréttir, að því er virðist á meðan á gosinu í Eyjafjallajökli stóð. Í bakgrunni sést mynd af gjóskuspúandi eldfjallinu en svo vill til að beint undir myndinni er kaffibolli Jóhönnu.
Færslan sem komið hefur Jóhönnu á kortið er einföld og hljómar svona: „Hversu heitt er eiginlega kaffið hennar?“
Færslan var sett inn í gær af manni að nafni Neil McDonald og hefur hún slegið rækilega í gegn. Þannig hafa tæplega 30 þúsund Twitter-notendur sett hjarta við myndina og færsluna sem gefur til kynna að þeim líkar innihaldið. Þá hafa yfir 100 athugasemdir verið skrifaðar.
Myndina má sjá hér að neðan:
