Haukur Heiðar Leifsson bruggari hjá Borg Brugghúsi á mynd dagsins eða öllu heldur grín dagsins er hann deilir skjáskoti af frétt Vísir.is um veggjalýs.
Á myndinni má sjá Steinar Smára Meindýraeyði með nokkuð stóra skammbyssu í hendinni og spyr Haukur þar: „Hversu stórar eru þessar lýs?“ þar sem vopnið virðist líklegra til að fella elg en lús.
Sprenging hefur orðið í útköllum vegna veggjalúsa á íslenskum heimilum upp á síðkastið og segir Steinar Smári veggjalýs því miður orðnar mjög algengar hér á landi.
Myndina má sjá hér að neðan en netverjar hafa notið grínsins í dag.
Ég las þannig í þessa mynd að hann púffi vindilinn vel og blási svo reyknum inn í veggina og plaffi svo lýsnar þegar þær flýja reykinn.
— Sindri (@sindriprump) January 12, 2023
