Mynd dagsins: Hver ætlar að stöðva spila­fíkilinn?

Mynd dagsins birti Ögmundur Jónas­son, fyrr­verandi þing­maður og ötull bar­áttu­maður gegn spila­kössum, á heima­síðu sinni.

„Á há­degi í dag (þá var þessi mynd tekin) hafði Há­skóli Ís­lands ekki látið loka spila­vítum sem hann rekur undir því tæ­landi heiti Há­spenna. Önnur mun heita Spenni­stöðin. Há­skóla­happ­drættið van­virðir þannig á­skorun sam­taka Á­huga­fólks um spila­fíkn, Neyt­enda­sam­takanna, for­seta ASÍ og formanns VR um að loka spila­sölum og kössum á vegum happ­drættisins tíma­bundið vegna CO­VID-19 veirunnar.“

Ögmundur segir að það sama gildi um aðra rekstrar­aðila sem standa að Ís­lands­spilum, það er Rauða krossinn, Lands­björg og SÁÁ. Þessir aðilar hafi fengið sams­konar á­skorun.

„Ein­hvers staðar mun hafa verið komið upp spritt­brúsum svo spila­fíklar gætu úðað sig með spritti og fyrir vikið ó­trauðir haldið á­fram að láta ræna sig.“

Ögmundur segir dapur­legt að á­netjast spila­fíkn en það sé hins vegar sjúk­dómur sem enginn þarf að skammast sín fyrir.

„Öðru máli gegnir um hina tegundina af spila­fíklum, þá sem seilast ofan í vasana hjá þessu veika fólki. Þetta hlýtur að verða rætt í ríkis­stjórn! Væri ekki ráð að mennta­mála­ráð­herra hringdi í rektor Há­skólans, eða dugar ekkert annað en að lög­reglu­stjóri taki það að sér? Ég legg til að byrjað verði á sím­tali frá sótt­varnar­lækni. Ein­hver þarf að stöðva spila­fíkilinn Há­skóla Ís­lands.“

Hér að neðan er myndin sem Ögmundur birti: