Mynd dagsins: „Hvaða fásinna er það að klastra öll strætóskilti út með enska slagorðinu“
Nýja auglýsingaherferðin frá íslensku haframjólkinni Oatly hefur heldur betur vakið hörð viðbrögð þar sem fyrirtækið ákvað að hafa auglýsingaherferðina á ensku.
Björk Eiðsdóttir, ritstjóri helgarblaðs Fréttablaðsins, vakti athygli á málinu upphaflega og hafa margir tekið boltann síðan þá.
Eiríkur Rögnvaldsson, prófessor emeritus í íslenskri málfræði, segir þetta vera brot á lögum.
„Auglýsingar eiga að vera á íslensku! Það er ástæðulaust og raunar bannað með lögum að birta auglýsingar á ensku þegar markhópurinn er augljóslega íslenskur að mestum hluta. Björk Eiðsdóttir vakti athygli á þessu og samdi frábært íslenskt slagorð í staðinn fyrir enskuna,“ skrifar Eiríkur í hópinn Málspjall.
Almannatengillinn Karen Kjartansdóttir veltir fyrir sér hvernig það er hægt að klúðra þessu þar sem íslenska slagorðið er mun betra: „Eins og mjólk en gerð fyrir fólk“
„Hvaða fásinna er það að klastra öll strætóskilti út með enska slagorðinu sem er svo miklu slappara en íslenska þýðingin, sem hreinlega blasir við. Þakka Björk Eiðsdóttur fyrir að vekja athygli á þessu og ætla að vona að heildsalinn Innnes stökkvi til færi þetta til betri vegar,“ skrifar
