Eyjamaðurinn Páll Magnússon sem er jafnframt forseti bæjarstjórnar Vestmannaeyja hitar upp fyrir herlegheitin um helgina með því að sjóða lunda. Gestir þjóðhátíðar eru gjarnir á að heimsækja heimamenn í hvítu tjöldin og fá að smakka á lunda og er ljóst að Palli ætlar að bjóða umm á nokkra Ínureykta eins og hann kallar það.
„Hér er verið að gera kláran til suðu svokallaðan „Ínureyktan“ lunda, sem er orðið sérstakt hugtak hér í Eyjum. Það þýðir að Ína Magnúsdóttir hefur reykt hann sem er mikill gæðastimpill - því mörgum þykir hún kunna betur til þeirra verka en annað núlifandi fólk. Þessi lundi er að vísu úr Ystakletti en það verður ekki á allt kosið,“ skrifar Páll á Facebook og birtir þessa fallegu mynd.
