Heiðrún Lind Marteinsdóttir, framkvæmdastjóri Samtaka fyrirtækja í sjávarútvegi, birti athyglisverða mynd á Twitter-síðu sinni í gær.
Á henni má sjá auglýsingu frá Samfylkingunni á strætóskýli fyrir síðustu sveitastjórnarkosningar í maí 2018. Á auglýsingunni er mynd af Degi B. Eggertssyni borgarstjóra og textinn: „Leikskóli fyrir 12-18 mánaða.“
„Ég tók þessa mynd í fæðingarorlofi 16. maí 2018. Skemmtileg minning,“ segir Heiðrún en auglýsingin er ef til vill nokkuð kaldhæðnisleg því í dag, rúmum fjórum árum síðar, eru leikskólamálin í lamasessi í borginni og fjölmörg börn á aldrinum 12 til 18 mánaða sem ekki hafa komist inn á leikskóla.
Èg tók þessa mynd í fæðingarorlofi 16. maí 2018. Skemmtileg minning. pic.twitter.com/SAZZmoKa1p
— Heidrun (@heidrun_lind) August 18, 2022
