Mynd dagsins á grínistinn Tómas Logi Hallgrímsson nokkur sem birtir mynd inn á Facebook hópnum Skreytum hús af dularfullri flögnun á húsgagninu sínu.
„Hafa fleiri lent í því að innréttingin fari að flagna svona?“ spyr Tómas Logi og er nokkuð ljóst að kappinn spyr í gríni enda má sjá á myndinni að hér er um að ræða hlífðarplastið. Þúsund manns bregðast við færslu Tómasar með brosköllum og er mjög skemmt.
Þá láta viðbrögðin í kommentakerfinu ekki á sér standa. „Er þetta ekki bara hlífðarplastið?“ spyr fyrsti Facebook verjinn. Annar segir: „.....þú ert að grínast... er það ekki?...“ og lætur hláturbroskall fylgja.
Þá fara mjög margir að grínast með Tómasi í málinu. „Þetta er nu bara utaf slæmri umgegni, minar eru enn svona fagurbláar eftir 10 ár,“ skrifar einn. Önnur segir: „Ég þekki eina sem rauk að skila..hafði ekki pantað bláa innréttingu,“ skrifar hún og merkir vinkonu sína í kommentinu.
Fleiri sprenghlægileg ummæli við þessa sprenghlægilegu færslu má lesa hér.
