Illugi Jökulsson, þjóðfélagsrýnir, rithöfundur og fyrrverandi blaðamaður, á mynd dagsins í dag en hann er allt annað en sáttur með götumyndina á Þingholtsstræti.
„Er þetta ljótasta, ósmekklegasta og út í höttasta hús Reykjavíkur? Inn í heillega og fallega götumynd Þingholtsstrætis kom þetta skrímsli fyrir fáeinum áratugum. Hverjum datt þessi óskapnaður í hug, og það á þessum stað? Má ekki bara rífa þetta?“ spyr Illugi á Facebook.
Fjölmargir tjá sig undir færslu Illuga og eru ekki allir sammála honum. „Líklega fínt að vera þarna inni,“ skrifar sjónvarpsmaðurinn Egill Helgason.
