Mynd dagsins, eða kannski öllu heldur myndir dagsins, að þessu sinni tók veitingamaðurinn Ólafur Örn Ólafsson á Laugaveginum um helgina.
Laugavegurinn hefur verið talsvert í umræðunni undanfarin misseri. Sumum finnst að þrengt hafi verið of mikið að einkabílnum með því að breyta Laugaveginum í göngugötu, á meðan aðrir fagna því að gangandi vegfarendum sé gert hærra undir höfði.
Þeir sem tilheyra fyrri hópnum hafa margir talað um að búið sé að breyta Laugaveginum í hálfgerða draugagötu. Fólk fari frekar í verslunarmiðstöðvar þar sem hægt er að leggja bílum sínum beint fyrir utan og ganga svo inn í hlýjuna. Sú er þó ekki raunin ef marka má myndirnar sem Ólafur Örn, matreiðslumeistari og einn eigenda Vínstúkunnar tíu sopar, birti á Facebook-síðu sinni.
„Það kemur aldrei neinn á þessa göngugötu, sögðu þeir. Það er alltof kalt til þess, fólk vill vera inni í bílunum sínum, sögðu þeir. Rangt! Segi ég,“ segir Ólafur en myndirnar voru teknar á laugardag, 14. nóvember, og nefnir hann að hitastigið úti hafi verið 0 gráður.
Það kemur aldrei neinn á þessa göngugötu, sögðu þeir. Það er alltof kalt til þess, fólk vill vera inni í bílunum sínum, sögðu þeir. Rangt! Segi ég Tekið í dag. 14. Nóv. Hitastig 0 gráður
Posted by Ólafur Örn Ólafsson on Laugardagur, 14. nóvember 2020
